政情：Tim霍撐申亞保龍頭地位

港府諮詢申辦亞運會，遭社會喝倒采，但立法會體育、演藝、文化及出版界議員霍震霆卻力撐到底，繼續全方位拉票，尋日喺立法會辯論施政報告時大發牢騷，話上海搞世博，廣州辦亞運，如果香港連申辦十三年後嘅亞運會都怕呢樣、怕嗰樣，咁香港要成為區內龍頭城市嘅心願只會愈走愈遠。佢又話申亞同扶貧風馬牛不相及，但有人將兩者當成只可任擇其一嘅生死抉擇，佢覺得非常遺憾。