【本報訊】李家傑以代母添丁，有人讚前衞，亦有人批評反傳統，近日更引發大批網民在討論區激辯，有網民稱，「作為一個母親，覺得呢三個ＢＢ好可憐，因為唔係因為父母的愛而來到呢個世界」，但亦有人留言：「無母愛，但由父愛＋富爺爺的愛＝條人生路好easy（易行）＋萬千寵愛在一身。」
李家抱孫的家事，近日掀起本港有關代母的討論，特別是母愛、科技產子是否道德，甚至豪門爭產的話題，亦有不少諧趣留言：「呀李大少都用心良苦咯，見城中咁多餓女『喉』住佢塊唐僧肉，先整三件出嚟做擋箭牌，邊個想埋身？就預備：買一送三」，留言令人會心微笑。
但談論最多的，是關心ＢＢ日後沒母親照顧，又或全港人都會知道ＢＢ來歷，令孩子將來不知如何自處。不過有另類想法的人亦不少，「可憐談不上，遺憾就真，有阿媽就一定好？我有兩個呀，唔代表有雙份愛，做人梗係有得有失。」有人從李家角度出發，「大家想到的／擔心的事，四叔／李大公子都一定想到的，佢哋咁錫ＢＢ，一定知點做嘅～ＢＢ極其量只是幸福中有遺憾囉！」