政情：田少寸政府靠商界扶貧

自由黨前主席田北俊繼早前撰文叫政府動用儲備回報扶貧，以紓緩香港仇商情緒後，尋日再喺大氣電波出招，要庫房開倉濟民。田少嘲諷港府奉守量入「唔」出財政政策，儲備連外匯基金嘅彈藥由九七年六千七百億元增至現時二萬二千億元，但政府嘅福利開支就無乜點加，反而另立「關愛基金」向商界籌錢扶貧，簡直係概念顛倒。