探射燈：以身作則 肯學一定得
「各位老師，各位同學，你們好！」崔康常邊說普通話，邊在垃圾桶找回已揸皺寫滿普通話拼音的「貓紙」，重現訪問當天，他向學生以普通話演講「生命的蛻變」。自言普通話「好渣」的崔，原來早在今個學期之初向學生許下承諾，要以普通話演講。一言既出，他除了請專人指導之外，他亦有看書自學，略有成果就在早會小試牛刀，哄動全場。
個人經歷鼓勵學生
崔康常愛以個人經歷鼓勵學生，卻嫌未夠說服力，乾脆讓學生目擊自己「蛻變」的經過。從前運動麻麻的崔，向學生許諾，要用一分五秒跑四百公尺。「嗰時我放學就跑步、又衝斜路。」結果於校內陸運會跑得一分兩秒，「好多學生都唔夠我跑㗎。」
不止是練跑、學普通話，以前亦有老師捐出三千元作慈善，利誘崔校長在學生面前高歌一曲《Yesterday》。「我嗰個年代又無收音機、又無唱機，要我獨唱更加唔係嗰皮啦。」經過反覆的練習，崔康常終於完成在師生面前高歌一曲的壯舉。「講開，做人真係好有趣，要做真係做到架！」
