政情：斷纜擾客Eva鄭卸責寸港鐵
港鐵油麻地站上周四朝早發生架空電纜斷裂事故，交通七國咁亂，運輸及房屋局局長鄭汝樺（Eva）尋日與青年對談，有學生問話若當時佢喺油麻地站現場，會點處理？Eva鄭寸爆港鐵話，事發時佐敦站仲提供有限度服務去港島，若當時知道呢個資訊，佢會直接由油麻地行去佐敦，唔使搭接駁巴士，做到精明決定喎，咁講明寸港鐵未能為市民提供及時資訊，唔知港鐵CEO周松崗點接招？其實政府都係港鐵大股東，Eva鄭又係港鐵董事局嘅政府代表，豈能置身事外！
港鐵油麻地站上周四朝早發生架空電纜斷裂事故，交通七國咁亂，運輸及房屋局局長鄭汝樺（Eva）尋日與青年對談，有學生問話若當時佢喺油麻地站現場，會點處理？Eva鄭寸爆港鐵話，事發時佐敦站仲提供有限度服務去港島，若當時知道呢個資訊，佢會直接由油麻地行去佐敦，唔使搭接駁巴士，做到精明決定喎，咁講明寸港鐵未能為市民提供及時資訊，唔知港鐵CEO周松崗點接招？其實政府都係港鐵大股東，Eva鄭又係港鐵董事局嘅政府代表，豈能置身事外！
