政情:毓民要孫仔跟上帝

如果黃毓民係一粒朱古力,怕且佢一見到佢個孫,唔使放入口都會即刻溶掉。話說上星期三,毓民一抽二袋咁返立法會開會,以為佢買定生果、帶定道具準備返去掟啦,睇真啲原來係袋朱古力。毓民話月尾就係萬聖節,特登去買定盒朱古力畀個孫仔玩吓、開心吓。可惜佢呢排好忙,唔得閒直接交畀個孫,要趁住返立法會,所以順便拎返嚟交畀秘書幫佢轉交畀孫仔。

毓民個孫仔係佢命根,唔單止喺銀包度放咗孫仔張得意相,只要提起個孫,佢都戾氣變祥和,笑到見牙唔見眼。不過毓民話,雖然個孫得三歲,但已經同佢一樣牙尖嘴利,難怪佢話要勤力啲帶個孫返教會跟上帝。記得毓民當年喺一個見證會上話,信主令佢唔敢做壞事,做壞事都唔會壞得好徹底,估唔到毓民卸下戎裝,裏面都係粒軟心朱古力。

Money18新功能「18好路數」為你預測心水股票升跌機會率