政情：風波不斷發叔封口
行政會議成員、立法會議員兼鄉議局主席劉皇發呢幾個月是非不絕，早前被揭發漏報物業及股權利益，被指「摸貨」圖利，其旗下公司租出嘅農地，近日又被揭發涉嫌違反土地用途及佔用官地。
發叔尋日出席鄉議局執委會會議，繼續就事件封口，不過就好玄咁唸咗兩句詩，冇解釋所指何事。
發叔尋日下晝抵達鄉議局後，隨即行入辦公室，直至開會前才行到會議廳，期間再被記者追問漏報物業及股權利益一事，佢連番耍手擰頭話「無嘢講」。
不過佢離開時就無厘頭笑笑口咁唸咗兩句詩：「寒露風，霜降雨，呢個月份梗有風有雨啦！」究竟講緊乜？好難明，佢冇解釋。