中環出更：梁高美懿馬運亨通

踏入秋天竟然落雨濕濕，令尋日沙田馬場賽果出人意表。恒生銀行副董事長兼行政總裁梁高美懿（Margaret）尋日馬運都唔錯，姑仔梁秀芝嘅愛駒「金威神童」尋日奪冠，Margaret心情靚爆拉頭馬。
姑仔隻馬奪冠，梁高美懿（左二）同媽咪（左一）一個箭步衝去拉頭馬，囡囡（右二）同姪女（右一）都好開心。 （溫國佳攝）
姑仔隻馬奪冠，梁高美懿（左二）同媽咪（左一）一個箭步衝去拉頭馬，囡囡（右二）同姪女（右一）都好開心。 （溫國佳攝）

談經濟前景籲小心

梁家濟濟一堂撐場，梁生都同囡囡Angela及外母高老太入場，眾人睇見馬匹衝線，Margaret笑到見牙唔見眼，高老太開心到有點不知所措，女婿馬上教路話：「拉頭馬最緊要企定定，眼望前方就得嘞。」Margaret贏馬不忘講經濟，卓妮問佢點睇前金管局總裁任志剛日前呼籲市民不要隨便炒賣，Margaret都大表認同，話市場熱錢太多，勢必推高通脹，但打工仔人工無加過，供樓倍感吃力，提醒小市民有閒錢先好投資。

梁高美懿試戴禮帽，囡囡用iPhone同佢影相。
  • 梁高美懿試戴禮帽，囡囡用iPhone同佢影相。

有份入場嘅全國政協常委陳永棋都話任總言論值得參考，但市況立立亂，佢都唔識睇，惟有謹慎投資喎。前景未睇通，炒樓炒股風險高，但對於政壇富婆張永珍嚟講，買古董可能更保值。

尋日張永珍以中總榮譽會長身份，入場為中總一百一十週年會慶盃打氣，佢嘅兒子馬忠禮都有嚟，講起日前佢用二億五千萬元投得古董花瓶，張永珍笑言買古董係心頭好，唔諗價錢，真係豪嘞。中總本來安排張永珍喺後尾頒盃，點知等等吓佢覺得啲攰，同友人講話走先。

陽明山莊董事胡國祥（左二）同張永珍兒子馬忠禮（左三）尋日入馬場，右一、右二係胡國祥兒子同新抱。
  • 陽明山莊董事胡國祥（左二）同張永珍兒子馬忠禮（左三）尋日入馬場，右一、右二係胡國祥兒子同新抱。
張永珍上星期用兩億五買咗個古董，尋日都仲好興奮。 （何偉鴻攝）
  • 張永珍上星期用兩億五買咗個古董，尋日都仲好興奮。 （何偉鴻攝）

卓妮

Money18新功能「18好路數」為你預測心水股票升跌機會率