梁卓偉叫私院拉上補下

業界稱套餐收費有困難

私家醫院聯會主席劉國霖昨日出席城市論壇時指出，明白市民期望可按套餐價付款，不用額外收費，但坦言實施套餐價有困難，他說：「每一宗病情有不同，同係盲腸炎，健康後生仔同老人家，住院時間、手術同藥物方面已經好唔同。有高血壓同糖尿病，收費分分鐘貴幾倍，入埋深切治療部都唔出奇。」

梁卓偉表示，明白私院面對困難，但希望業界可以「拉上補下」，實行套餐收費，「每個人得一條盲腸，一間私家醫院一年可能割一千幾百條盲腸，但有併發症嘅可能一千個得一個，點樣保障第一千個咁唔好彩嘅病人，可以用拉上補下方式去做。」

病人互助組織聯盟副主席張德喜認為，自願醫保計劃對病情嚴重的長期病患者無大幫助，因保障額未必足以承擔私院的高昂費用。他指出，曾有友人本身持兩個的士牌及一幢物業，但因在私院醫治腎病而最終需領取綜援。

保險界立法會議員陳健波則促請政府日後需加強監管，避免出現投保人及醫生濫用醫保情況。梁卓偉回應說，現時建議方案不包門診，加上會引入共同付費及墊底費，相信可防止濫用。