術後活動自如抱得起個孫

洗菜着衫都有困難

現年六十一歲的何女士十多年前開始感到右邊肩膊痛楚，曾多次出入急症室及專科門診，有醫生指她患上關節炎，但即使服食止痛藥及接受物理治療等均無助紓緩痛楚，「○六年時因為太痛所以冇再返工，但後來愈來愈痛，連洗菜都要單手洗，着衫都有困難，夜晚特別痛，痛到要抱住隻手先瞓得着。」

她去年經磁力共振掃描才發現患上旋轉肌腱撕裂，右肩肌腱出現超過一厘米的中度撕裂，由於無創傷紀錄，經醫生診斷屬退化性撕裂，遂接受內窺鏡手術。事後她戴上手掛及接受物理治療，約兩個月右手已可活動自如，手術後至今近一年均無復發迹象。「依家心情好番晒，做到家務之餘，仲可以抱起三十幾磅嘅孫，以前真係想像唔到！」