邱騰華要將軍澳續捱臭

立法會《2010郊野公園（指定）（綜合）（修訂）令》小組委員會今日將繼續討論相關事宜。由於修訂令屬「先訂立後審議」形式，特首及行政會議早已通過指令，下月一日生效。不過委員會上周開會時，由於不滿當局遲遲未找出將軍澳臭味源頭及如何紓緩臭味，一致通過要求特首廢除指令，並要求當局回應自行廢除與否。

「死線」在即，環境局局長邱騰華昨突然「出擊補鑊」，親身到將軍澳堆填區視察，並公布連串緩減臭味措施（見表），大部分措施均應議員會上要求。措施包括增加洗街及垃圾車次數，又歡迎再為屋苑加裝電子鼻等，所有措施成本約四千萬元。

邱否認此行是「補鑊」：「過往三年幾裏面，我哋一直有同區會討論，部分措施亦在過去幾年建立。」被問到議員若堅持廢除指令，當局會否有兩手準備時，邱稱會「繼續游說」議員，意味拒絕廢除，有機會「硬闖」立會，「如果唔係啲垃圾會轉去其餘兩個堆填區，呢個係全港市民共同承擔的問題，而非單一區面對。」

多個政黨包括自由黨、民建聯、民主黨、公民黨及工聯會表明相關措施來得太遲，維持反對立場。

當局「補鑊」爭取堆填區擴建措施包括增加清洗環保大道的次數。	短期內將強制特別骯髒的垃圾車，接受人手洗車。	政府擬擴建的將軍澳堆填區（右綠色膠布區）與民居極近，擴建遭多個政黨反對。 （伍鎮業攝）

多個政黨斥治標不治本

立法會議員甘乃威稱：「相關措施幾年前已不斷提出，唔係新嘢。政府做咗，唔等於我哋贊成，都要睇成效得唔得，起碼先廢除，再等三至六個月再傾。」

劉健儀則斥：「唔好以為咁做係交換條件！根本解決唔到居民需要，形同雞同鴨講。」陳克勤指措施未能徹底解決臭味問題，「到依家都未搵到臭味來源，裝電子鼻都冇用。」

小組委員會主席陳淑莊指，若委員堅持立場，而當局堅持「硬闖」，小組會將動議提交立法會大會表決。若由議員動議廢除指令，需分組點票表決。按當局早前說法，若五公頃郊野公園土地未能通過作為堆填區，未來將軍澳堆填區的容量及可延長使用年期，將大幅減少逾一半，至七百萬立方米及年期縮至少於三年。