藝人對未來的期望
電視廣播有限公司（TVB）及恒基兆業昨日分別證實正商討洽購股權事宜，面對公司隨時易主，TVB旗下多名藝人對公司發展充滿期望，盼節目質素可進一步提升，員工亦有人工加，並不擔心會影響士氣；部分藝人則對老闆邵逸夫（六叔）讚不絕口，相當念舊。
陳法拉：敬重邵逸夫
「邵逸夫是我很敬重的人，沒有他就沒有邵氏，沒有ＴＶＢ，他的商業決定多年來證明了他英明，有遠見，一直以來，他亦對社會公益作出了巨大的貢獻，我會支持他的一切決定。」
佘詩曼：變幻是永恒
「變幻原是永恒，如果成事，我會唔捨得，因為入行咁多年都係阿Sir（六叔）做老闆，其實新舊老闆都好，總之要保持製作劇集質素，觀眾鍾意睇係最重要，加人工都好。」
楊怡：年尾派花紅
「身為演員應該做好本分，有得加人工，最實際，最好年尾派花紅，yeah！（公司士氣有無改變？）唔覺士氣有變化，電視行業將會進入新時代，多啲競爭者，大家多啲選擇。」
馬國明：最好加人工
「係咪收購就未知，我哋小演員影響唔大，打工仔都係做好自己嘅嘢，如果真係嘅話，最好就加人工，福利要好啲，（唔捨得阿SIR？）都會㗎，自細就睇邵氏嘅戲，不過，呢啲係高層決定。」
葉翠翠：可惜冇買股
「我冇乜特別感覺，只係知恒基股價升到16個幾，可惜我冇買，有就發達，（換老闆想加人工嗎？）其實我每年都有加，福利幾好，已經好滿足。」
呂慧儀：念舊唔轉工
「我以前都有買過ＴＶＢ股票，賺咗先離場，我依家最希望加人工。不過，我係一個怕麻煩同念舊嘅人，其他公司搵我都唔會考慮，除咗老公要我啦。」
