裝飾花盆淪為煙蒂箱
原為美化市容而設的裝飾花盆，因為部門管理不善而淪為煙蒂箱！吳小姐日前路經青衣青敬路近牙鷹洲公園一帶，發現多個花盆非但不見了花卉的蹤影，更布滿大量煙蒂，一個多星期後重臨上址仍未見清理，「原本啲花盆可以點綴吓環境，點知依家變咗垃圾崗，真係有啲核突！」
青衣關注組副主席徐曉杰直斥民政處巡查地區設施不力，「成個禮拜個問題都冇改善，民政處一係就冇派人巡，一係就冇將個問題放喺心！」徐亦促當局加強教育及宣傳，提醒市民切勿亂拋垃圾。
不過民政處發言人卻稱，派員視察上址時未發現花盆內有煙蒂，但會密切留意上址情況，監督承辦商工作同時亦已督促承辦商留意花盆清潔，一旦發現有花枯萎，需盡快補種。