中環香港會係政商界名人出沒嘅熱門地點，卓妮早前就一口氣撞到兩個前任「公職王」現身香港會。啱啱卸下馬會主席一職嘅陳祖澤（左）話，卸任後雖然仲係七間公司嘅非執董，但總算多咗時間陪老婆；同行嘅前中信泰富董事總經理范鴻齡（右）亦笑言唔會再做公職，事關家陣「無官一身輕」嘅生活自在得多喎。
