【本報訊】「報咩告？根本係推卸責任，隱瞞真相！有咩證據證明八個團友全部死於門多薩槍下吖，佢有冇交代？佢連彈道測試都未做晒，呢個報告根本完全唔可以接受，唔可信！」在「8‧23」馬尼拉人質慘劇中幸存的李奕彪夫婦，昨憤指菲律賓報告殘缺不全。然而港府卻對報告「收貨」，意見與生還者大相逕庭，指報告沒迴避關鍵問題，更稱讚態度值得肯定。中聯辦副主任李剛不評論該份報告，認為特區政府已適當回應。
「Jason個頭係硬物所傷，無彈頭係入面，有咩證據確定係槍手所傷，佢有冇交代清楚論證過程吖？又有咩理由追究傳媒，我覺得佢哋做得好好，咁樣好唔公道！要追究都係林雯洛！」李奕彪得悉報告內容後，憤言「成份報告冇說服力！」
港府昨晚十時半公布回應，指需時詳細閱讀及具體研究，但報告沒有迴避關鍵問題，態度值得肯定，在相對緊迫時間及條件局限下完成的報告，顯出努力及誠意，又對事發經過有仔細交代，對主要官員處事手法及判斷都提出嚴厲批評及斥責，縱暫不能對結論作評論，但認為調查委員會處理認真。對報告承認對八名死者死因仍需跟進調查、未作定論，又指本港死因裁判官收到相關資料及港警報告後會決定是否開庭研訊。發言人又衷心期望菲國對失職官員嚴正追究責任，公正處理事件，「對死傷者作出公道的交代」。