政情：范太籲學子習國情放眼世界

全國人大常委范徐麗泰尋日出席一項活動，應邀同現場嘅學生真情對話。范太希望年輕人認識內地同其他國家嘅國情同發展，因為香港同內地愈嚟愈密切。范太同時鼓勵對公共政策有意見嘅年輕人投考政務官或者做議員，直接將聲音帶入政府，佢仲自爆年輕時曾經投考政務官，不過考唔到。今日係范太六十五歲生日，佢講笑話，願望係免費去海洋公園玩喎。