公僕座駕停車不熄匙

阿志於早前發現有警車停泊於長沙灣元州邨內，警員等候上樓執勤期間未有停車熄匙，對執法人員未能樹立榜樣大表失望，「（政府）係咁叫人停車熄匙，警察自己又唔熄，有冇搞錯！」

「逼人熄自己唔熄」

部門公然違反政策並非警隊獨有！阿揚在短短半個月內，便兩度發現旺角鬧市有政府車輛違規，「八月中行過政府合署，有個人一路行一路話『政府車都係咁，有冇搞錯？』原來有架冇人嘅AM車撻着晒引擎！」數日後，阿揚又再目擊一輛「着晒引擎」的海關車輛於旺角道停泊，「政府係咁逼我哋停車熄匙，自己又唔熄，算點先？」阿揚直指政府部門其身不正、難以服眾。

不過，警方發言人矢口否認事件，指當日涉事警車正處理一宗案件，基於行動理由而未有關掉引擎。發言人又承認，自○九年至今共接獲兩宗同類投訴。

警車於執勤期間，停泊最少五分鐘仍未有停車熄匙。	民政署車輛「撻着」至少十分鐘，旁邊並無職員監察，不少行經路人均為之側目。	海關車輛以接送外賓為由，圖為未有停車熄匙開脫。

議員斥反面教材

民政事務總署發言人證實，泊於旺角政府合署的為屬下車輛，當日由於車頭溫度過高、水箱水量不足，需加水並開動引擎以回復正常，期間一直有職員在旁監察。但阿揚卻直指當局「講大話」，「我企喺度等朋友差唔多有十分鐘，有人指住架車鬧都冇人行出嚟，分明就係講大話啦！」

海關發言人則解釋，涉事車輛當日負責接載職員及外賓，正預先啟動引擎數分鐘，以接送有關人員離開。發言人強調，部門一直積極響應政府有關停車熄匙措施，並要求屬下司機嚴格遵守有關規定。

「點解警察做嘢嗰陣可以唔熄匙？小市民搵食就要熄？政府既然識體諒警察，不如體諒埋啲小市民啦！」曾落區體驗停車熄匙的立法會議員潘佩璆直斥有關行為等同反面教材，認為政府如堅決立法，便應避免雙重標準，「一係就一齊開、或者一齊熄，點可以有特權？」

「海關撻定架車等外賓上車，同（職業）司機開着冷氣等客有咩分別？」立法會議員陳淑莊指停車熄匙法案仍處討論階段，促政府訂立清晰指引，顯示立法誠意以回應市民訴求。

部門停車熄匙指引

環境保護署發言人表示，政府有指引要求政府司機等候時須關掉車輛引擎，否則或會受到紀律處分，有關指引每半年會傳閱一次。不過，因應不同部門的運作需要，停車熄匙並不適用於部分政府車輛，如緊急服務、或因輔助用途而必須保持引擎啟動之車輛，各部門會因應需要而提供進一步指引。過去一年，當局共接獲十二宗有關政府車輛未有停車熄匙之投訴，平均每月一宗。

記者 蕭智湲