睇急症冇醫生?!
醫院管理局醫生流失仍「未止血」。每年逾二十萬求診人次的伊利沙伯醫院急症室出現醫生逃亡潮，今年至七月已有四人離職，流失率較去年全年高一倍。院方急謀對策，包括暫緩醫生調職及放大假安排。公共醫療醫生協會會長蘇潔瑩促請當局調查醫生流失原因，盡快補鑊，以免拖累病人服務。病人互助組織聯盟副主席張德喜直指，急症室屬醫院把關部門，輪候時間長常遭病人投訴，「只會被人鬧、無人讚」，令前線員工壓力爆煲，要求當局改善醫生工作環境。
伊院表示，急症室現有卅八名醫生，一半具急症專科資格。去年有兩名醫生離職，流失率為百分之五。但今年至七月已有四名醫生離職，流失率急升至一成。
據悉，四人同於今年六至七月期間辭職，令急症室人手變得相當緊絀。當中兩人為未取得專科資格、已有兩至三年急症科訓練的醫生，其中一人因對急症科興趣不大，轉投其他專科受訓；另一人轉往衞生署工作。另外兩名資歷較深的急症科醫生，一人因從事醫療志願工作而離職，另一人獲升職調往其他醫院。
暫緩調職批假應急
為彌補具經驗醫生流失造成的斷層，除七月有兩名醫生加入受訓外，該院轉向私營市場挖角，預計有兩人將到任。伊院發言人強調，人手流失無影響病人輪候時間，急症室已採取多項措施如暫緩醫生調職、小心批假、安排家庭醫學醫生幫手診症。
消息稱：「急症室係公院工作暴力最嚴重嘅地方，病人輪候時間太長，令佢哋嘅期望同服務有出入，有時候病情唔急，但心好急，易與醫護有誤會或爭拗。」急症科醫生與內科、外科等比較，雖然下班後毋須候召待命，但一當值即「無停手」及工作環境欠佳，常嚇怕受訓的「新仔」醫生。
伊院急症年逾20萬
根據醫管局○八／○九年度年報，伊院急症求診人次為二十萬三千多，位列最繁忙急症室第二位，僅次於求診人次逾廿一萬的屯門醫院急症室。據悉，伊院急症室醫生平均每日要處理二十至二十五個緊急個案，或四十至四十五個非緊急個案，每宗個案需時數分鐘至約十五分鐘，診症量比英美、新加坡等多出一倍。面對人手流失，難免令服務更緊張。
蘇潔瑩直指伊院的緊急應變措施非長遠良策，「醫生假期已唔多，仲要唔畀放大假，點會有精神同體力幫病人睇病呢？」她促請當局調查醫生流失原因，改善工作量、晉升機會及待遇等，從根本着手。
記者 梁麗兒 于令華 陳紹恒