海鮮檔霸道食環署放任
觀塘瑞和街街市有不少檔戶在行人道「擴張營業」，過去多年雖屢遭投訴，但食環署卻未能有效解決問題，引人詬病！鄭先生不滿其中一檔海鮮檔，經常擴展「業務」，「嗰度有好多檔都會擺晒啲貨出行人路，食環署職員成日都會經過，但都好似睇唔到咁！」
當區區議員梁芙詠指出，瑞和街街市檔戶違例擺賣問題嚴重，與食環署一直未有積極解決有關，「前幾年經濟唔好，食環署一直都好手鬆，冇嚴厲咁處理，搞到依家就愈嚟愈嚴重！」梁認為食環署應嚴格執行法例，票控違規檔戶，「可以先勸喻再票控，畀檔戶知道再犯就會重罰，咁先會有用！」
食環署發言人稱，職員到上址巡查期間，發現有海鮮檔違例於店外營業，已檢控負責人及飭令其將貨物搬走。今年首八個月，有關檔戶已被四度檢控，並會在九月中暫時吊銷牌照七天。