南區補選曲終人散，公文袋司馬文爆冷鍊贏匯賢智庫主席葉劉淑儀嘅愛將劉應東，躋身區會。唔少人事後分析都話，今次選舉結果符合泛民同建制派嘅「六四黃金定律」。不過白鴿黨主席何俊仁就唔係咁睇，佢話今次兩名候選人都各有特質，加上拉票期間又發生咗啲事令選民反感，呼籲大家唔好輕信呢個「六四黃金比」喎，言下之意，即係叫班泛民戰友唔好輕敵，以後仲要繼續努力咁話。