中環耳目：呂鈞堯愛西苑「大哥叉燒」

保良服務涉及老中青，瓣數唔少，嚟緊十一日（周末）就係「星光熠熠耀保良」大騷，Quincy幾乎日日返銅鑼灣保良總部開會，中午食飯都捨遠就近，揀最就腳嘅「西苑」，來一碟「大哥叉燒」撈白飯食，開胃無比。

「西苑」嘅馳名叉燒，風靡唔少名人，影星成龍試過後豎起拇指讚好，「西苑」索性將叉燒命名為「大哥叉燒」，日賣逾一百一十碟。

煙韌多肉汁

「西苑」叉燒炮製方法講究，選取上等梅頭肉，以人手將肉打鬆，再用大火燒個幾鐘頭，肉汁被鎖住，入口煙韌而唔會「乾憎憎」，例牌叉燒每碟盛惠一百一十八元。