政情：陳維安教仔切忌煩
眨吓眼又開學，唔少家長又要進入作戰狀態，為子女功課大費周章。教育局副局長陳維安（Kenneth）就分享教仔心得，話為人父母切忌喺子女身邊嘮嘮叨叨，十足直升機喺頭頂盤旋咁煩，只會令仔女反感。
Kenneth有兩位公子，大仔舊年畢業於名校德瑞國際學校，今年升中一；八歲細仔就讀緊小學，兩個仔成績優異，聽教聽話，恨死隔籬，到底Kenneth有乜教仔秘笈？尋日佢出席一個人才交流大會，順便講吓湊仔經。無他嘅，佢自細同囝囝講道理，話畀佢哋知道父母期望係乜，潛移默化下，兩個仔從小明白讀書唔懶得，放學後「自動波」溫書，唔使爸爸操心，認真好命水。
講番喺馬尼拉人質慘劇中生還嘅汪氏姐弟幾時復課，Kenneth話，相信兩人短期內將重返校園，但話晒經歷重大創傷，所以會尊重其家人意願及聽取專家意見後再作決定。