投訴：泊車不入錶旅巴無王管
黃先生每日均會路經沙田河畔花園近源昌里一帶，發現有旅遊巴經常在不入咪錶情況下違泊，令其他旅遊巴無法使用泊位，被迫於附近馬路泊車，造成阻塞，但卻未見警方加強執法，「我見過啲旅遊巴一泊就個幾鐘，佢哋一見到警察過嚟，先至即刻入番錶，真係好離譜！」
沙田區議員姚嘉俊指出，由於源昌里附近有兩間小學及一間中學，吸引大量旅遊巴經常對外停泊，「啲司機都係為貪一時方便，如果警察多啲巡邏，一定收到阻嚇作用！」姚要求警方加強巡邏及執法，避免旅遊巴佔用泊位問題再現。
警方發言人透露，過去一年，沙田分區警署及交通警員共發出超過一百張交通定額罰款通知書。警方會加強巡查上址，並採取適當執法行動，以打擊違泊問題。