香港旅行團浴血馬尼拉，旅發局主席田北俊上周四話菲律賓信奉天主教，國民樂天開朗，而且對人熱情，相信今次港人遇害慘劇只係單一事件，估計本港對菲國嘅黑色旅遊警示唔會持續太耐。不過，尋日田少嘅態度忽然強硬起來，批評菲律賓當局嘅安排不專業，希望當地政府配合調查，還死傷者家屬一個公道；佢又贊成喺今次慘劇未完成調查及未有報告之前，本港唔應該取消對菲國嘅旅遊警示。
