投訴：領匯封路夜歸人兜大圈
彩園商場因與港鐵上水站相連，多年來一直為彩園邨居民「出城」重要通道之一。不過，馮小姐最近發現，自七月上旬開始，管理處會在午夜時分將商場通道局部封鎖，直至翌日早上才再開放，令夜歸居民須「兜大圈」回家，她說：「啲保安話因為嗰頭有公共設施畀人破壞咗，所以要攔住唔畀人行，咁明明係管理差問題，點解要封咗條路！」
領匯發言人指出，基於保安理由，管理處於商場非開放時間實施局部圍封措施，部分原開放之商場通道會暫停使用，但管理處會保留充足通道。
一直跟進事件的當區區議員蘇西智證實，曾經接獲多名居民投訴封路措施構成不便，已經即時向管理處反映，有關通道現已重開。
蘇直指領匯管理欠善，有必要檢討，「佢哋（領匯）為自己方便就封咗條路，根本冇考慮到居民要兜大圈，夜麻麻要人行出去仲危險啦！」