投訴：公屋樓梯上蓋堆積垃圾

記者 梅可茵

青衣長康邨現有約二萬二千名居民，由該邨前往小巴站的樓梯近日剛完成上蓋工程。不過，根據該邨屋邨管理諮詢委員會去年的討論文件顯示，工程原訂去年十一月初施工，今年三月竣工，結果卻拖延至七月才完成，啟用後始發現問題多多。

上蓋雖然設有渠口疏導雨水，但無法解決垃圾聚積問題。

長康邨行人路上蓋施工期間，居民需使用其他通道前往小巴站。

「個蓋中間凹嘅，唔單止兜住晒啲垃圾，仲惹埋好多蚊，房署設計嗰陣究竟有冇用腦諗過㗎？」在長康邨居住逾廿年的任伯直言，興建上蓋期間扶手電梯全面封閉，原以為今年三月可回復正常，但因工程延誤，直至七月才能免卻「撐樓梯」之苦，未料再發現樓梯上蓋設計欠善，直指房署未有因應實際環境建造設施，令居民未能受惠。

黃先生：「個上蓋設計認真麻麻地，如果惹到啲蛇蟲鼠蟻就真係多得佢（房署）唔少！」

陳先生：「有乜理由建個上蓋都要搞咁耐？搞到有成大半年要兜路行，房署真係離晒大譜！」

透明度不足工程延誤

身兼委員會委員及當區區議員梁偉文認為，上蓋設計出現漏洞甚至延期竣工，均與屋邨管理諮詢委員會透明度不足有關，「開會嗰陣，房署只係匯報而唔係諮詢，設計圖則都係去到最last（最後階段）至有，但就因為啲委員冇權力所以先畀人當冇到！」梁偉文又說，類似工程全港多不勝數，上述工程雖只涉款三十五萬元，但擔心「小數怕長計」，「一個上蓋幾十萬好似好小事，但呢啲工程全港一年有成幾十單，十單就有幾百萬，如果單單都搞到咁，啲公帑係咪倒晒落鹹水海？」

眼白白睇住通過方案

立法會房屋事務委員會主席王國興承認，現時屋邨管理諮詢委員會委員無權否決任何個案，經常「眼白白睇住設施就咁（通）過」。為免問題重現，建議當局重整委員會架構，提高委員質詢及否決權力，以起監察之效，他說：「再咁落去，就算政府有幾千億公帑，都會畀房署嘥晒！」

房署發言人解釋，有關工程設計及進度已經於屋邨管理諮詢委員會匯報，由於工地狹小及地下石層造成施工困難，加上天雨影響才令竣工日期延遲。至於居民擔心引發的衞生問題，發言人只是以「物業管理處會定時清理」作交代。