中國建設銀行本周一宣布，該行已獲中銀監批准，由八月六日起委任前金融管理局總裁任志剛做獨立非執行董事。喺呢個消息公布之前，卓妮喺上周五（十三日）食晏時間，喺金鐘統一中心遇到笑容滿臉嘅任總同一位女士向太古廣場停車場方向行去，手上揸住一個印有建行名稱嘅環保袋。估唔到建行未正式公布任命，任總就咁落力做生招牌宣傳，睇嚟建行可以慳番筆廣告費啦！
（葉華英攝）
