金融管理局前總裁任志剛退休後，已經好少曝光，但卓妮尋日下晝三點幾就見佢健步如飛路經ifc條天橋，一身西裝加上白髮標記，風采依然。談及近況，佢話下月會到加拿大演講，內容當然不離金融題目，返港之後又會起程到日本旅遊輕鬆吓，佢嘅退休生活認真係夠晒多姿多采喇。不過，佢笑笑口咁話：「我已經無乜價值喇，不如去搵陳總（金管局總裁陳德霖）啦，去等吓佢啦！」
