人稱「趙樓神」嘅長實執行董事趙國雄（Justin）（圖右）尋日忙個不停，佢鄉下江蘇常州市市長王偉成帶團來港招商，兩年前啱啱成立嘅香港常州商會就趁此機會舉行新一屆會董就職典禮，Justin冧莊再做會長。喺常州有投資嘅世茂集團主席許榮茂同囝囝許世壇亦有現身。最難得係平時甚少露面嘅Justin太太趙譚惠冰（圖左）都嚟撐老公場，講起Justin想搵人唱越劇賀六十大壽，問趙太有冇幫手籌備？佢聞言笑謂：「我唔知，由佢自編自導自演！哈哈。」
