中環出更：腹大便便陳晴真係有喜
海洋公園保育基金主席陳晴（Judy）前日着上鬆身裙為熊貓盈盈樂樂慶祝生日，懷孕傳聞不脛而走。雖然Judy怕醜唔認有喜，但外界早已流傳呢個消息，大家知道小妮子有喜，無不戥佢高興，海洋公園主席盛智文都幽陳晴一默話：「使乜怕尷尬，好多人都知喇！」
男女冇所謂
到底腹中塊肉是男是女，Judy話未去check：「呢個係上天畀我嘅禮物，男女都冇所謂。」卓妮問佢有否檢查住身體，佢答得巧妙話：「我不嬲都好關心身體！」
雖然唔想認，但Judy身形的確豐滿如孕婦，想話自己食肥咗都冇人信。前日出席活動時，佢不時用手叉腰，不自覺流露孕婦獨有嘅小動作；平時鍾意着高踭鞋嘅佢，前日都改着平底鞋。不過Judy好親民，活動期間見工作人員搬櫈，竟然唔理咁多，搬埋一份。