中環出更：李文斌太太產後復出

六月頭做咗媽咪嘅理文造紙二公子李文斌 (Edmond）太太何芷韻 (Amanda），上個星期五 (8月6日）盛裝出席仁濟醫院「海外學生仁濟夜2010」慈善餐舞會。Amanda做咗媽咪後，呢兩個月都專心喺屋企坐月，照顧一對龍鳳孖B，完全絕迹ball場，不過嗰晚係仁濟一年一度嘅盛事，加上身為仁濟第一副主席嘅老公喺內地忙緊公務，所以佢代夫出席招呼賓客。Amanda話BB依家由人奶試緊轉食奶粉，加上有奶奶同媽咪呢啲經驗前輩從旁指導，湊仔無難度。早前聽Edmond話會為太太送上驚喜禮物，Amanda就耍耍手話，擁有一對仔女已經係最好禮物，無嘢比得上佢哋。