關注性工作者團體紫藤代表吳雅珊尋日提到，前一排經常落大雨，有軍裝警員竟然以查牌做藉口，走去「姐仔」嘅單位避雨同歎飲品，之後仲要求「姐仔」畀佢摸胸添；另外又有警員查牌時出口調戲「姐仔」，要求對方除衫之餘，仲話如果唔除就睇唔清楚姐仔嘅身材。呢排因為包致金姪女嘅襲警案，令坊間忽然同情前線警員，吳雅珊就提醒大家，前線警員濫權嘅問題其實都好嚴重，希望各界唔好忽略。
