中華總商會會長蔡冠深貴人事忙，除咗打理旗下公司生意外，仲要兼顧中總嘅工作，究竟有幾忙呢？尋日中總舉行周年會員大會，蔡冠深一返到中總就畀職員捉住，話有大量文件要佢簽名，於是乎佢就乖乖坐低，將所有文件逐一簽署，足足簽咗幾分鐘，認真誇張。蔡冠深笑稱，無辦法啦，平時實在太忙無時間返中總簽名，惟有把握開會前嘅空檔一次過簽晒啲文件。
（葉華英攝）
