投訴：食署職員公然劈酒賭錢

大成街街市二樓熟食中心食客AMY指出，最近五、六年經常目睹有食環署職員到上址「蛇王」，雖然有關職員每次均會更換普通上衣後才外出，但下身仍穿着深藍色制服長褲，旁人不難辨認，「成班人都做咗好耐，係街坊都認得佢哋㗎啦，但佢哋一於少理，仲好揚咁食煙、劈酒，真係好誇張！」

經過記者連日追查，發現每逢假日的中午十二時半至一時，有關員工便分批由三樓辦公室、循較少人出入的後樓梯前往二樓熟食中心，每次約有六、七人同枱午膳，當中有男有女。只見職員甫坐下即據案大嚼、豪飲啤酒、吸煙及大玩骰盅，玩至興起時更高聲叫囂，無視途人側目，檔戶卻未有理會，明顯「見慣見熟」。

中午十二時許開始，食環署職員會分批由三樓辦公室沿後樓梯到二樓熟食中心。

席間有職員知法犯法公然吸煙，更一直煙駁煙。

記者發現有關職員每次用膳均會豪飲七、八支啤酒，期間更有人到樓下街市海鮮檔買海鮮「加料」。席間有人飲至面紅耳赤後，即時閉目「瞌一瞌」，亦有人一直「煙駁煙」，亦有人透過熟食檔電視觀賞賽馬節目。每次完成長約兩小時的「用膳」後，職員會施施然分批經後樓梯及職員通道返回辦公室。

職員席間以數個骰盅玩「大話骰」，玩至興起更高聲叫囂。

席間有人一邊飲啤酒，一邊欣賞當日賽馬。

大成街街市共有三層，除地下及一樓為街市外，二樓設有熟食中心，三樓則為食環署辦公室，包括街市組、環境衞生、防治蟲鼠、潔淨及小販組。連日追查期間，記者發現有不少職員均習慣到二樓熟食中心用膳，相信有不少食環署職員早已得悉事件。

議員轟管理層失職

不過，食環署發言人回覆查詢時，卻以個案仍在調查為由，拒絕評論事件，亦未就監管不善及員工知法犯法作正面回應。發言人重申，該署一向重視員工紀律，工作指引亦列明隊員用膳時間只有一小時，同時不能飲酒、吸煙及賭博。如發現有員工違反工作指引，會按既定程序執行紀律處分。

「真係太離譜！成何體統呀？」立法會公務員及資助機構員工事務委員會副主席潘佩璆對事件大表詫異。潘又稱，倘問題持續多年、且發生地點近在辦公室咫尺之外，管理層竟未能及早發現，即凸顯部門管理層失職，亦嚴重破壞公務員形象，要求部門必須責成有關員工，並加以適當懲處，務求「執番正」公務員形象及紀律。