政情：彤叔三千萬助澳大建書院
「周大福鄭裕彤基金」尋日捐出澳門幣三千萬元予澳門大學發展基金會，以支持澳門大學新校區興建住宿式書院，書院將命名為「鄭裕彤書院」，以配合澳門大學嘅新校園發展計劃。支票捐贈儀式尋日喺澳門禮賓府舉行，澳門特首兼澳門大學校監崔世安，代表澳門大學發展基金會接受由周大福集團主席鄭裕彤所送贈支票，出席人士仲有澳門大學校董會主席謝志偉等。
提供優越學習環境
彤叔話，今次同澳門大學合作，係因為大家有着共同嘅信念和使命，就係矢志追求創新、卓越及推動社會向前邁進，佢希望為學生提供優越學習環境同設施，讓學生全力喺知識海洋裏上下求索，將來學有所成回饋社會，報效國家。謝志偉感謝彤叔長期關心澳門大學發展同成長，佢對教育嘅支持，將為國家及澳門發展帶來極大嘅裨益。