企業壯大，老闆單係出糧已是天文數字。好似建滔化工集團執行董事張廣軍話齋，佢哋公司喺內地十幾個省市開設六十幾間廠房，每月齋「科水」出糧就要二億元人民幣。盤生意咁大，張兄八成時間坐鎮廣州大本營，早前「領呔大王」曾憲梓宴請神舟六子，身為接班人嘅曾智明（Ricky）都在場招呼賓客，張兄亦抽空出席。
原來張兄同Ricky好有緣，彼此同屬客家人，又係廣州市政協委員，咁啱得咁蹺，Ricky喺廣州都有寫字樓，大家經常喺廣州打躉，相約打高球，情如兄弟！
