領匯剝奪月租車主權益

居於葵俊苑的李先生每月以一千七百元租用葵興停車場浮動車位，早已對每日停泊不同車位而大感不便，直至最近，曾於中午擬停泊時，竟發現車位已告爆滿，「真金白銀租咗個車位，點知都冇位泊，要同啲時租散客咁輪位，領匯真係離晒譜！」

李向停車場職員了解後，獲悉由於車位被「隨意泊」租戶使用所致，不滿領匯安排混亂，「公契已經寫明要留番啲位畀葵俊苑居民，點可能掛住搵錢就將我哋啲位租晒出去！」

領匯於○八年推出「隨意泊」優惠，凡轄下停車場月租私家車租戶，只需額外繳交三百八十八元月費，便可於早上八時至凌晨十二時期間，隨意在一百六十一個領匯停車場泊車。現時，領匯共有三千個「隨意泊」客戶，每月有關收益逾百萬元。

領匯以「隨意泊」招徠停車場租戶，每月收益高達百萬元。

停車場設於葵俊苑與葵興邨之間，提供逾二百個浮動車位。

促劃分範圍 確保預留位

「趁車主唔喺度就租畀其他人，即係租上租啦，搞到月租客冇位泊，咁對車主好唔公平！」葵青區區議員梁志成直斥領匯「搵銀至上」，剝削月租客戶權益，更企圖將責任推卸予管理公司，「停車場有冇劃定車位留畀月租客專用、領匯收幾多隨意泊嘅客戶，呢啲都唔係小職員可以話事！」

領匯監察主席陳寶瑩亦批評領匯只顧推廣「隨意泊」，忽略月租用戶權益，「點可以唔劃出固定車位畀人，明明係月租客都冇位泊！」陳促領匯盡快設立制度，劃分月租及時租車位範圍，確保向月租租戶預留足夠車位。

對於被指摘未向月租用戶預留車位涉及行政失當一事，領匯未有作出正面回應。僅由有關停車場管理公司發言人回覆，指當日因停車場職員未有預留足夠車位予月租用戶而迭生亂子，已訓示職員留意預留車位。

房屋署發言人則指，葵興邨《土地契約》條文規定，上述停車場需向葵俊苑業主或訪客預留一百四十九個車位，現時有關車場屬領匯旗下物業，不屬房署管轄範圍。

記者 徐少琴