探射燈：零件飛脫隨時傷眼骾喉
兒科專科醫生陳以誠指，劣質及不合規格的玩具，除會導致皮膚敏感外，甚至可奪命。小朋友玩插入膠條式玩具時，因手腳協調發展未成熟或過度忘形，膠條拉出時恐彈傷眼部，令視網膜受損，嚴重者可致盲；而拉繩式設計，小朋友或會因繩子纏頸導致窒息。
劣質膠玩具可傷腎
另外，玩具的細小零件，如果裝嵌欠佳，或會隨時飛脫，成為「流彈」，傷及無辜；倘不慎吞下，更可能會「卡」在喉嚨或氣管，引致窒息。陳又稱，玩具商為減低成本，會以劣質的污染膠製作玩具，污染膠含重金屬，長期接觸會令皮膚敏感，甚至出現反應遲鈍及影響腎臟。
陳建議，家長為子女選購玩具時，需着重其創意思維，包括邏輯、語言、音樂、空間、運動觸覺、人際關係、大自然、內省及思考價值觀等方面作考量，而原始玩具如擲豆袋、捉迷藏、砌積木及玩泥沙，既安全又益智，同時又可增加小朋友的互動及創意。