政情：大輝攞正牌睇女
尋晚新一屆嘅香港小姐新鮮出爐，廠商會立法會代表林大輝有份做評判，攞正牌睇靚女，羨煞旁人！但大輝始終係公眾人物，喺鏡頭前對成班衣着性感嘅靚女評頭品足，會唔會有心理壓力呢？大輝聞言一派自在咁話，佢做時裝出身，
女有晒經驗架啦！
大輝做過製衣廠嘅高層，佢話當時經常出任各類時裝表演節目嘅評判，一早見慣呢啲場面。佢話，女模特兒着得好少布、有時甚至着住成件透視裝都有，所以佢女好在行，今次對佢嚟講根本無難度。
所謂各花入各眼，喺大輝心目中，香港小姐美貌同智慧並重係最基本嘅要求，身為政治人物，佢認為港姐仲要兼備香港嘅特徵，包括認識香港、對香港有感情。大輝話，如果唔係，選出嚟嘅靚女同新加坡或者泰國小姐有咩分別？