政情：全場賀牛一 蘇利民面紅
醫管局行政總裁蘇利民即將離任，仍然積極出席各項醫學界活動。尋日星期日朝早，蘇利民出席香港移植運動協會祝捷會，突然自爆尋日係佢生日，全場即時起哄唱生日歌為佢慶祝，搞到蘇利民面都紅埋。佢事後就話雖然一開始覺得好尷尬，但咁多人一齊祝福佢真係好感動！
原來尋日係蘇利民五十四歲生日，佢出席活動時一開始就自爆太太朝早打電話畀佢，問佢生日會做啲咩，蘇利民照直講話會出席活動。太太好驚訝：「星期日喎？你生日喎？都要去？」蘇利民就話，今次係佢最後一次喺香港出席移植運動協會活動，所以生日都要嚟，佢呢番話
得全場人士好開心，即時全場唱英文版本嘅生日歌，之後又有中文版。蘇利民塊面紅晒，活動司儀仲講笑話一早準備好啲茶點可以當係幫蘇利民開生日會！
活動中，蘇利民話佢簽咗器官捐贈卡。尋日都有出席嘅全國人大常委范徐麗泰話，佢一九八五年已經簽咗器官捐贈卡。世事難料，後來佢捐咗個腎畀囡囡范凌華。