早幾日卓妮喺金鐘港麗酒店撞到剛剛丁父憂嘅信興集團副主席蒙德揚（David），佢話因為爸爸嘅事，連公司嘅嘢都放低晒，依家枱面積滿工作，所以要趕住返去做嘢。不過佢話好彩有班好同事幫手，所以上星期特登出花紅畀班手足，亦代爸爸蒙民偉答謝同事多年嚟嘅幫忙。接手做信興龍頭嘅David，話好希望喺美國定居嘅弟弟德勳可以返嚟幫手，兩兄弟拍住上將生意搞好。見勉強擠出笑容嘅David仲有啲倦容，佢話最想跑番十公里出身大汗，仲想閉關幾日，諗吓公司未來發展。
