政情：錢果豐同陳碧鏵劃清界線

八達通公司售賣客戶私隱圖利，遭全城圍剿，被斥「講大話」以圖掩飾事件嘅八達通行政總裁陳碧鏵成為眾矢之的。身為八達通大股東嘅港鐵非執行主席錢果豐，尋晚開完港鐵董事局特別會議後見記者，第一時間同陳碧鏵劃清界線，不點名批評陳講嘢前言不對後語有問題，港鐵感到好遺憾同唔滿意。陳碧鏵嘅去留雖然仍有待八達通董事局決定，但聽錢果豐咁強硬嘅措辭，估計佢最後都難逃一劫。