政情：莊學山撐外甥搞環保

究竟莊學山有幾支持外甥呢？佢話無論喺屋企、辦公寫字樓、內地廠房、以至自己經營嘅社會企業廠房，都有用Alastair嘅匯能光管，確實可以慳到電，佢話好支持後生仔搞環保事業，認為好有意義。匯能光管係由本地發明家研發專利嘅「管中管」光管，利用納米反光片套住另一光管增加亮度，耗電量較傳統T8光管低六成，又比T5光管慳電三成，而且光管溫度低，每支光管壽命有一萬八千小時，非常耐用。