中環出更：莫華倫話太太最溫柔

法國夠浪漫，意大利又夠激情，經常喺呢兩個國家穿梭嘅世界著名男高音莫華倫（Warren），除咗歎過兩國嘅靚葡萄酒外，對兩地嘅女性都好了解，到底邊個國家嘅女仔好啲呢？卓妮早前喺法國國慶日酒會上遇到風度翩翩嘅Warren，佢對於呢個女性課題一樣表現得好有風度，只係比較咗兩國女性嘅語調。佢形容法國女仔講嘢予人有種好性感嘅感覺，至於意國女仔講嘢就刁蠻好多。不過，無論性感或刁蠻嘅女仔都無行，事關Warren最後都揀咗語調溫柔嘅台灣人做太太。