茵茵下周初赴台做手術

茵茵目前仍在廣華醫院兒科深切治療部接受治療，其主診醫生吳國強表示，茵茵情況一直穩定，只是茵茵患有先天性心臟病及有心漏問題，故院方需定期為她進行心臟檢查，昨天進行心臟檢查後發現情況一切正常。吳透露，現仍與「國際SOS」商討在航機上為茵茵提供呼吸機的安排，將於本周內與「國際SOS」開會商討詳細情況，預計下周初便可讓茵茵起行往台。

「我哋咩都準備好晒，梗係愈快去台灣愈好，不過一切都要聽醫生嘅話。」蔡父得知茵茵赴台在望頓時鬆一口氣；他慨嘆茵茵入住深切治療部逾半年，他每日都擔心茵茵會再受感染，惟恐茵茵無法再次戰勝死神。

蔡父盼早日康復一家團聚

茵茵長期住院亦令家人牽腸掛肚：「我每次去睇茵茵，佢都要我抱，唔抱就會扭計。」蔡父心願就是茵茵早日康復，並可一家團聚。

茵茵重見希望，善長捐款仍源源不絕，身為人母的林小姐特來電祝福茵茵盡快康復，勉勵家屬不要放棄，她說：「我捐得唔多，但希望盡吓人事，我都有個三歲嘅BB，好明白蔡太心情，希望茵茵將來好似我個BB咁健康。」剛踏入社會工作一個月的黃小姐亦願意捐款一千元協助茵茵渡過難關：「我第一次出糧都想捐啲錢畀茵茵，希望佢快高長大，唔好放棄！」

對於善長停不了的問候，蔡太直言非常感激，更盼望茵茵盡快赴台就醫：「茵茵依家個情況好穩定，我真係好想同佢快啲過去（台灣）做手術，唔使日日擔驚受怕！」

東方日報慈善基金與太陽報愛心基金現已為茵茵籌足赴台之治療費用，善長繼續捐助的善款將會作為茵茵長遠治療醫療所需。讀者如有查詢，請致電3600 9988與本報記者聯絡。

捐款編號：11933

愛心承諾

查詢電話：1,321個

累積捐款：$1,492,657.3

李小姐：「希望佢快啲去台灣做手術，再返嚟香港好好休養，影番啲得意嘅相畀我哋睇！」

莫小姐：「希望茵茵快啲好番，將來做個好醫生，幫番有需要嘅人！」

蕭小姐：「茵茵畀心機呀！將來康復咗，一定要好好讀書，照顧番佢屋企人！」