大埔政府勁做騷救災民
【本報訊】上周四黑雨時慘遭洪水奪命毀村的大埔碗窰沙埔仔村，昨未見山洪暴發，但一場「短命」黑雨，卻嚇煞高官有如驚弓之鳥，多個部門如臨大敵，要求全村大疏散及開放大埔社區中心暫避，災民狼狽大逃亡，狂轟政府「唔鬧唔做嘢！」有拒絕離開的村民狠批政府判斷災情錯誤，小題大做「做騷畀人睇」。
昨午三時卅五分，天文台發出黑雨警告後，警方、社署、民政處及渠務署人員即蜂擁入村，政府人員多過村民。立法會議員陳克勤及大埔民政事務專員李國彬亦到場了解。村民分別獲派飯盒，及被勸喻離開。
村民亦聞「黑雨」色變，站在門口密切留意河道水位，有人睡衣未換即與家人執拾細軟離去，行動不便的長者則在親友攙扶下，乘警車往大埔社區中心暫避。
上次被大雨沖爛住宅的周太猶有餘悸地說：「唔敢博啦，離開吓冇壞。」有村民則全家到高地暫避，其餘人亦在門口堆積沙包，村民陳先生狂插政府進退失據：「咁勞師動眾，喺度做騷啫，做畀人睇。」渠務署承辦商工程師陳啟遠表示，堆積的大石雜物已清理，相信不會水浸。
天文台在昨午五時將黑色暴雨警告轉為紅色，至昨晚六時十分取消。萬宜水庫昨錄得一百八十九毫米雨量，創今年最高紀錄；大嶼山東涌道亦錄得一百八十一毫米雨量。