政情：王國興自爆身世複雜

興哥並非潮州人，問佢祖籍邊度，佢話講起嚟一疋布咁長。原來佢祖籍福建，因為種種理由遷居至廣東北海，之後北海撥入廣西省，佢爸爸又為咗逃避戰亂，先後逃難去越南、澳門，最後至定居香港，而興哥正係喺越南出世、澳門長大、香港發迹，因此大家叫佢做福建人、廣東人、廣西人、澳門人、香港人、以至越南華僑，原則上都冇錯！

興哥又話，以前做香港人好自豪，但近年香港愈搞愈差，反而內地同澳門愈做愈好，令唔少有雙重身份嘅港人叫番自己做內地人同澳門人，但由於佢一家喺澳門住咗唔係好耐，加上年代久遠，佢都唔清楚自己有冇資格補領番張澳門居民身份證，享受澳門政府近年嘅派錢德政。