小巴公路狂飆警懶執法
元朗居民鄧小姐因工作關係，常於深夜從旺角及銅鑼灣乘搭通宵紅色小巴回家，惟鄧指小巴嚴重超速，「行到青山公路次次都過一百，真係好危險，車速顯示器響晒佢都冇理，有咩意外扣咗安全帶都冇用啦！」鄧不滿警方疏於執法，漠視乘客安全。
屯門區議會交通及運輸委員會委員陳文偉指出，青山公路小巴超速問題存在已久，警方卻一直未有正視，「警方好少喺嗰度捉超速，可能太多唔想理，反而掉轉檢控乘客喺小巴唔扣安全帶就多！」陳認為警方此舉等同把執法責任推卸予市民，建議警方加強執法。
警方發言人表示，不時在青山公路打擊車輛超速，並於部分路段設置固定車輛偵速攝影機，亦呼籲投訴人主動作證，配合警方檢控。過去一年共接獲五宗青山公路小巴超速投訴。