政情：發叔捉渠務署長問罪

劉家強對沙埔仔村嘅水浸問題一直扭扭擰擰，一開始話完全唔關河道工程嘅事，隔幾日又向村民道歉，尋日出席區議會時又改口話可能同工程有關係，真係唔知佢邊句真、邊句假。發叔話沙埔仔村嘅慘劇係緊急事件，值得大家討論；加上劉家強喺大水浸事發後三日、即前日先去沙埔仔村視察，仲要只係睇得半個鐘，反應實在太慢，一定要劉家強講清講楚先放佢走咁話！發叔仲話，天災呢啲嘢好可能喺短時間內重演，一定要畀啲壓力政府，令當局正視問題。