骨折草率斷症屯院靠害
沒完沒了的公立醫院醫療事故又添一例！一名手腳受傷的病人向屯門醫院急症室求診，僅獲注射止痛針及縫針便遭打發離去。病人事後因傷口劇痛難當，再三要求下始獲安排照X光，終證實手肘骨折，醫生更斷言須盡快接受手術，否則將有終身殘障之虞。關注病人權益團體批評急症室醫生診斷草率，罔顧病人安全。
「醫生話我兩隻手都冇事，仲話好彩冇傷到啲骨，點知原來係骨折！」梁先生於五月廿四日被毆受傷，傷及右手手肘，即日前往屯院急症室求診，醫生安排X光檢查後卻聲稱並無骨折，只注射止痛針及縫針便了事。
多次要求始再照X光
不過，梁返家後手肘痛楚無減，更痛至徹夜難眠，其後到賽馬會診所覆診洗傷口時向護士相告情況，未料對方只冷冷地拋下一句：「洗傷口梗係痛啦！」
及至六月十日，梁因擔心手肘傷勢，加上腹痛，再次到屯院急症室求診，「醫生淨係睇我個肚，但我隻手真係痛到頂唔順，求咗佢幾次先肯同我照多一次X光。」然而，最終X光檢查竟顯示右手手肘有骨折，「當時醫生話我隻手要即刻做手術，如果唔係，殘廢都有之！」為免骨折影響未來手部活動能力，梁即時接受手術，將手骨移正並植入金屬托，但對屯院的草率斷症則深表不滿。
屯門醫院發言人表示，病人最初求診時下肢有壓痛、左手手肘擦傷，而右手手肘則有細小傷口需要縫針，當時X光片顯示病人無明顯骨折，其後發現的骨折，估計是受傷當日右手手肘患有隱性骨折或其他因素引致，並重申醫生當日已為病人提供適當治療。
骨科醫生高拔萃表示，X光因使用方便且價錢廉宜，故被廣泛應用，但是未必能百分百診斷出骨折情況，如裂痕幼如髮絲、或出現在小孩的軟骨組織，均難以在X光之下顯示，除非使用電腦掃描或同位掃描才能準確診斷。
傷者受罪兼浪費資源
「雖然今次唔算錯判，不過醫生都係低估咗！」病人互助組織聯盟副主席張德喜表示，依靠公共醫療服務的基層市民仍眾，醫生診症時應以謹慎態度處理。他說：「就算只係傷咗手手腳腳，冇生命危險都應該將心比己，細心啲了解病情，今次令病人痛咗一輪，又令醫管局用多咗資源去醫，結果大家都冇得益！」
記者 張美琪